الساعة لله...
مالك على هاد الحالة عاوتاني ازغيبية..
الراجل ما عرفت مالو هاد الايام..
هادي هي المرة الثانية هاد العام وهاديك العين شي نهار غاتفركع ليك..
الله يستر اش غاندير اختي اللي عطا الله هوا هاد..
الله عمرو ما كال للرجالة خليو داربو لعيالاتكم باش تكونو رجالة..
اودي الله يهديك..
ايه عندك الحق ما بقاو رجالة..
لا اختي راجلي راجل مزيان او غير الساعتو لله..
اجي ..سيري ديري ليه شي حاجة ونوضي جري على راسك ..بقاي مغروسة في شقاه او ويلو العام اللي جا يلقاك تنشري وهو النهار اوماطال وهو في الشركة بين المونيكات انا بعدا شاكة انك مرات مدير ما عندك شعر عيالات المديرين ما لابسة حوايجهم ما خارجة خروجهم الساعة اللي جات تلقاك في الكوزينة ولا في السطح ولا كتحكي في بيبان ودروج هاد الفيلا ابناقص منها عيشة الى كانت بحال هكا..
اودي الله يهديك اختي انا والله الا عاجباني الحياة ديالي بسيطة وفرحانة بيها غير الله يهديه ما عرفت مالو تغير وولا عاطيها للغوت وليت خايفة ليعقد ليا البنت ..عاخليها علا الله وخلاص..
اوا لاواه نوضي جري على راسك وسيري عند امي هنية لمجدوبة راها في سيدي عبد الرحمن وعندها امارة حمرا في بابها وايد مرسومة بالحنة في جنب الباب سيري عندها تدير ليك شي حاجة لاعلا ولا عسا ربي يفك وحايلك اختي..
ما عنديش معا الشعودة الله يهديك الهداية من عن الله...
ديري النية وغادا تفكريني علاه انا كون ما كنتش واكفة امرا كوراني بحالك..
اودي الله يهديك ..
دابا تمشي لسيدي عبد الرحمن وتشوفي هاديك لمرا لمباركة واللي كالتها ليك تديريها وغاتشوفي اش غايجرا..
الى ما ولاش خويتم بين ايديك ديري اللي بغيتي..
والله اختي ما عرفتما نكولك غاندير لك خاطرك وخا عانخرج نشوف لبحر ولكن راني ما مامناش باللي كايديروه هادوك الناس والشوف لشوف الله..
ايه الشوف لشوف الله ولكن الى درتي النية غاتلقاي الخير ان شاء الله..
ان شاء الله والله يهديه من عندو..
اوا نوضي غدا هانا عندك نشوف اش درتي ان شاء الله..
اللي ليها ليها هانا درتها كاع ولكن باش غانمحيها ليه في العصير ولا في الصوبة اويلي اش هاد التسطية كون كانت الف فرانك تفك وحايل الناس كوراه كلشي لاباس انا بالله وبالشرع معا هاد النفولة انا ما نوكل راجلي شي حاجة ترجع عليا بالندم ويا ربي تهديه من عندو الله بوحدو اللي عالم اش جاري ليه في خدمتونزيدوتا انا بهبال لعيالات..نوض نوجد ليه لعشا والله يدير اللي فيها الخير..
السلام عليكم..
وعليكم السلام..بحال الى ما مزرك ليا لا عينيا ولا والو..
اجي تعشا..
الى تعشيتو معايا..
بنتك تعشات ونعسات وانا ما كادة على عشا..
باقا مخاصمة معايا..
انتا اش باين ليك..
اش غايبان ليا راني غالطوايلا ما سمحتيش ليا ما عندي فين ننعس..
لواه براوالباس عليك اخويا ..
الله يحفظك لياوسمحي ليا راني معا هادالمصايب ديال الاقتصاد غادا تسكت ليا القلب..
برا عليك اخويا دوز نتعشاو ربي يفتح عليك كول امين..
امين..
الاشتراك في:
تعليقات الرسالة (Atom)
ليست هناك تعليقات:
إرسال تعليق